Tuisblad

Voorspoedige nuwe jaar vir elkeen van julle! En baie dankie vir al die ondersteuning in 2016!

Laaste opgegradeer op 18 Januarie 2017

 Geseënde nuwe jaar vir ieder en elk en dankie vir elkeen se ondersteuning in 2016.

1. Aanlynwinkel is OOP!

Ek het vandag die AANLYNWINKEL oopgestel wat spesifiek gemik is op NUWE BOEKE. Dis nog min boeke wat gelaai is, maar voeg so gou moontlik by wat beskikbaar is.

2. Goeie diens

Ons poog om die beste moontlike diens te lewer.  Indien die boek waarna u soek NIE op hierdie webblad is nie, sal daar gepoog word om dit vir u op te spoor.

3.  Hoe soek jy op die webblad?

Eerstens kan jy per kategorie soek deur ‘n naam van ‘n boek by die SEARCH-blokkie regs bo-aan elke kategorie se bladsy in te tik. Ons hoop om eersdaags ‘n soekfunksie te hê waarop u gelyktydig deur die hele webwerf kan soek. Soos wat nuwe boeke bygevoeg of afgehaal word, word die datum in rooi op elke bladsy aangedui sodat u kan sien wanneer laas is daar op daardie bladsy veranderings aangebring. Elke bladsy is veronderstel om alfabetiese lyste te bevat, maar as jy agterkom dit is nie, kliek net in die heel eerste reëltjie van bv. die OUTEUR-kolom en daardie kolom sal dan alfabeties wees.

4. Hoe bestel jy ‘n boek(e)?

Jy kan ‘n e-pos stuur na kakkerlak@mweb.co.za en daarin die boeke waarna jy soek “copy en paste” direk van die webblad – sommer die hele reeltjie (Kategorie, titel van die boek, skrywer en ook boeknommer) . Dit sal ook baie help indien jy laat weet in watter kategorie /bladsy jy die boek gevind het bv. op die GESKIEDENIS bladsy…

5. Tweedehandse boeke

My passie is grotendeels om te soek na Afrikaanse boeke wat uit druk is, alhoewel ek graag ook met enige ander boekinligting sal help.

6.  Nuwe boeke

Hier word ook nuwe boeke geadverteer op die webtuiste. ONS IS OPGEWONDE! Ek is besig om al die nuwe boeke op ‘n splinternuwe metode op te laai en sal laat weet sodra die inkopiemandjie gereed is!

7.  Versending van boeke

Ek maak meestal gebruik van Fastway koeriers se dienste. Dit kos dit R55 per A4grootte sak landswyd. R65 per A3-grootte sak en R45 vir ‘n “local sak”  in Johannesburg en omgewing. Fastway besoek die meeste dorpe en in geval van sommige afgeleë plekke is daar buiten die R65 sak-koste ook ‘n ekstra R65 plakker (Rural plakker)  wat gekoop moet word om steeds Fastway aflewering te kan geniet.

Anders pos ek dit graag via die poskantoor. In meer as 8 jaar het ons nog nooit ‘n boek verloor deur die poskantoor se diens nie. Elke pakkie het ‘n unieke spoornommer wat op www.parceltrack.co.za gevolg kan word. Pakkies word geweeg en kos R50 vir 1 kg pakkies en soos dit swaarder word, betaal jy meer na gelang van die gewig van die toegedraaide pakkie.

  Geniet die webblad. (Laat weet asseblief indien u probleme ervaar…)