Monthly Archives: August 2015

I have life : Alison’s journey

Wie van julle onthou nog die grusame aanval op Alison Botha in 1994 in die buitewyke van Port Elizabeth? Dié aanval het skokgolwe deur die land gestuur en niemand kon glo dat iemand so ontsettende aanval kon oorleef nie.

Sy vertel haar storie met die hulp van haar biograaf Mariaan Thamm op so ‘n oop en eerlike wyse deurgaans dat dit mens soms ongemaklik laat voel. Sy is vir my ‘n toonbeeld van iemand wat gekies het om te veg teen die dood, toe sy die dood letterlik in die oë gestaar het nadat haar nek byna afgesny was hul haar herhaaldelik in die maag gesteek het om kwansuis te toets of sy dood was en sy het steeds met hierdie wonde  90 m ver gekruip en later geloop, het totdat sy in die middel van die pad gaan lê het sodat ‘n verbyganger haar kon help…!

Sy beskryf ook deurgaans dat sy die lewe te liefhet om toe te laat dat Theuns Kruger en Frans du Toit dit kon regkry om haar van haar vreugde in die lewe kon ontneem.  Hulle het haar vir dood agtergelaat en is kort na die aanval in hegtenis geneem en was geskok om te hoor dat sy die aanval oorleef het dat hul sommer dadelik alles beken het.

By die lees van die grusame aanval, het ek besef dat mens niks hoef te vrees nie – ook nie verkragting of aanvalle nie, want Alison was verseker nie alleen nie. Sy beskryf dat dit gevoel het of twee groot hande haar van agter aanhelp om tot in die pad te kon kruip-loop.

Vandag spreek Alison steeds mense toe om hul te motiveer en van haar ABC te vertel. Dit staan vir ATTITUDE – ten spyte van watter situasie jy beleef, BELIEF – dit waarin jy glo en CHOICE – dat die keuse wat jy maak in omstandighede, saak maak…

 

 

 

 

Brandhout uit die vuur: die verhaal van die Maria Kloppers Kinderhawe

Brandhout uit die vuur: Die aangrypende geskiedenis van ‘n hedendaagse geloofmonument – die verhaal van die Maria Kloppers Kinderhawe deur Lassie Hofmeyr Brandhout uit die vuur Maria Kloppers het al as jong meisie die dringende behoefte gehad om te dien en vir die Here te werk. Dit was juis in hierdie tyd dat ds AP Kriel iemand nodig gehad het oma as sendingdame in fordsburg te help. Toe sy destyds die werk by ds Kriel kry, was dit ‘n blye dag om haar werk buite die ouerhuis te begin. Die Maria Kloppers kinderhawe sou eers later jare tot stand kom en eers onlangs het dié tehuis en die Abraham Kriel kinderhuis saamgesmelt. Een staaltjie wat my bybly uit die boek is die storie van ‘n vooraanstaande moeder wat gebel het om te hoor of die Kinderhawe hul tienerdogter se baba kan aanneem. Maria het ingestem, mits die moeder self die baba bring, want dan het sy die geleentheid om die jong moeder te bearbei. Dit het toe so gebeur en Maria het die moeder na Jesus gelei en die kindjie is in die tehuis opgeneem. ‘n Paar jaar later het sy ‘n brief van die moeder ontvang om te vertel dat ‘n man haar gevra het om te trou en sy raad nodig het oor hoe sy hom van die baba moes vertel. Maria het haar weer begelei en later kry sy die briefie wat vertel dat die man, nadat hy die nuus van die baba gehoor het, gesê het dat jy net oor eers die saak wou bid… Hy het kort daarna teruggekom en gesê dit sal so hoort dat hulle twee die baba moet grootmaak. So het die jong moeder en haar man, haar baba gaan haal om haar self groot te maak. Die eerste aand tydens huisgodsdiens by hul huis en as nuwe gesinnetjie, vra die pa watter psalm hul sal sing. Die dogtertjie, Marietjie wat toe 5 jaar oud was, roep dadelik uit “Prys die Heer” – dis Psalm 23. Die moeder en haar man kon glad nie die psalm klaar sing nie soos hulle hul trane probeer wegsluk het. Die kleine Marietjie het die psalm gesing tot aan die einde. Later het die moeder vir Maria geskryf dat sy die Here innig dankbaar is vir Maria se werk in die tehuis en dat hulle haar dogtertjie van Jesus geleer het en haar as moeder van Jesus vertel het. Maria Kloppers ‘n Jong Maria Kloppers Maria Kloppers ou vrou Bejaarde Maria Kloppers wat vir vele kinders Mamma sou heet.

 

Brandhout uit die vuur