Webblad laaste opgegradeer op 21 September 2017.

Ek het vroeër in September die geleentheid gekry om vir die eerste keer deur die strate van  Richmond  te loop. So loop ek hierdie bekende landskapskilder, Willem Boshoff (regs) raak in 'n oulike plekkie genaam Vetmuis saam n professorvriend, Andrew Munnik.

1. Aanlyn-Winkel

Aanlyn-winkel is spesifiek daar gestel vir NUWE BOEKE.  Alhoewel die AANLYNWINKEL reeds oopgestel is, is daar nog bittermin boeke opgelaai, maar daar sal binnekort nog boeke  bygevoeg word. Hou gerus dop!

2. Goeie diens

Ons poog om die beste moontlike diens te lewer.  Indien die boek waarna u soek NIE op hierdie webblad is nie, sal daar gepoog word om dit vir u op te spoor.

3.  Hoe soek jy op die webblad?

Eerstens kan jy per kategorie soek deur 'n naam van 'n boek by die SEARCH-blokkie regs bo-aan elke kategorie se bladsy in te tik. Ons hoop om eersdaags 'n soekfunksie te hê waarop u gelyktydig deur die hele webwerf kan soek. Soos wat nuwe boeke bygevoeg of afgehaal word, word die datum in rooi op elke bladsy aangedui sodat u kan sien wanneer laas is daar op daardie bladsy veranderings aangebring. Elke bladsy is veronderstel om alfabetiese lyste te bevat, maar as jy agterkom dit is nie, kliek net in die heel eerste reëltjie van bv. die OUTEUR-kolom en daardie kolom sal dan alfabeties wees. As jy meer as 10 boeke per bladsy wil besigtig, kan jy in die SHOW-blokkie aan die bokant van elke lys die syfer 10 na 50 of 100 verander wat dan beteken dat jy 50 of 100 boeke op 'n bladsy kan besigtig.

4. Hoe bestel jy 'n boek(e)?

Jy kan 'n e-pos stuur na kakkerlak@mweb.co.za en daarin die boeke waarna jy soek "copy en paste" direk van die webblad - sommer die hele reëltjie (Kategorie, titel van die boek, skrywer en ook boeknommer). Dit sal ook baie help indien jy laat weet in watter kategorie / bladsy jy die boek gevind het bv. die GESKIEDENIS bladsy...

5. Tweedehandse boeke

My passie is grotendeels om te soek na Afrikaanse boeke wat uit druk is, alhoewel ek graag ook met enige ander boekinligting sal help. Die tweedehandse boeke word binnekort op dieselfde formaat as die AANLYNWINKEL voorraad gelaai... Hou die spasie dop.

6.  Versending van boeke (Poskantoorpryse het op 1 April 2017 verhoog.)

a) Ek maak meestal gebruik van Fastway koeriers se dienste. Dit kos R60 per A4-grootte sak landswyd, R70 per A3-grootte sak en R50 vir 'n "local" sak wat vir Johannesburg en omgewing bedoel is. Fastway besoek die meeste dorpe en in geval van sommige afgeleë plekke kos dit R145 vir aflewering.

b) NUWE DIENS vir verafgelee plekke via PARGO koeriers. Hierdie koeriers lewer af by Caltex vulstasies, Clicks winkels of by samewerkende videowinkels en selfs OK winkels. Hang van elke dorp af. Dit kos R90 en die voordeel hiervan is, jy gaan haal die pakkie op jou eie tyd af, sodra jy 'n sms kry dat jou pakkie aangekom het by die afleweringspunt van jou keuse op Pargo se webblad.

c) Anders pos ek dit graag via die poskantoor. In die 10 jaar wat ons ek boeke verkoop, het ons nog nooit 'n boek verloor deur die poskantoor se diens nie. Elke pakkie het 'n unieke spoornommer wat op www.parceltrack.co.za gevolg kan word. Pakkies word geweeg en kos R60 vir 1 kg pakkies en soos dit swaarder word, betaal jy meer na gelang van die gewig van die toegedraaide pakkie.

  Geniet die webblad. (Laat weet asseblief indien u probleme ervaar...)