Tuisblad

Wat is my storie?

Hier het ons op 20 Desember 2004 die eerste oplaag van Kakkerlak nommer 1 ontvang. Ek staan hier langs my skoonma,Toeks. 

Kakkerlak het sy ontstaan gehad in 2004 toe ek aanvanklik 'n nuusbrief oor boeke en skrywers wou begin. Die idee het vinnig-vinnig omgesit in 'n volwaardige tydskrif wat klein begin het met die eerste uitgawe - 'n effe kinderlike uitgawe met Dolf van Niekerk as skrywer van die maand en ons wat gaan kuier op sy dorp Edenburg... 

Maar die besigheid wat net lekker op geoliede wiele in September 2007, toe ons genoop was om sy deure te sluit en die besigheid nie finansieël volhoubaar was nie.

Ek was op daardie stadium al vir baie jare met boeke doenig, toe die gedagte ontstaan het om die boeke op 'n webblad te lys en sodoende te verkoop... Vanjaar - is die webblad TIEN jaar oud!

Na baie pogings en metodes om die boeke in 'n netjiese formaat aan voornemende kliënte te wys, het ons nou uiteindelik 'n voertuig in die vorm van die AANLYNWINKEL gekry. Die winkel werk maklik en eenvoudig en ons laai onverpoos voorraad vanuit die ou stelsel na die nuwe stelsel oor ... Hou gerus die spasie dop!

Ek is uitstedig...

Ek is uitstedig van Donderdag 22 Februarie tot Maandag die 5 de Maart om verskeie kultuur aktiwiteite en ook die Woordfees  by te woon... Ek sal egter steeds daagliks beskikbaar wees op epos en steeds u vrae antwoord. Ek kan egter eers weer versending van pakkies doen vanaf die 6 de Maart 2018...

Hoe werk die webblad?

Wanneer 'n boek verkoop is, sal daar nie 'n prys of 'n inkopiemandjie onderaan die boek wys nie. Wanneer 'n boek verkoop is, word die inligting soos die foto en die inhoudsbeskrywing nie uitgevee nie, aangesien dit waardevolle inligting aan versamelaars/lesers bied wat nog op soek is na boeke vir hul versameling. Daarom word daar  gepoog om mettertyd inligting van skrywers by elke boek te plaas. Hier en daar is dit reeds gedoen soos by die Libri-boeke.

Versending van produkte

Wanneer u 'n boek(e) op die aanlynwinkel bestel, sal u wanneer u die kopie wil voltrek, die verskillende koerieropsies sien. Maak seker dat u die regte opsie kies. Fastway lewer net af in hoofsentra. Klein dorpies word met groot vrug bedien deur Pargo. U kan op Pargo se webblad u dorp se naam gaan intik, en self kyk by watter winkels of vulstasies pakkies afgelaai word. 

Ons onderneem om u bestelling so gou as ons kan te stuur hetsy met pos of met 'n koerier. Die verskillende opsies is mooi uiteengesit in die aanlynwinkel sodra u u bestelling voltooi. Daar word voortdurend met u gekommunikeer oor die stand van sake van u pakkie of bestelling.