Grenswag / H.J. Vermaas

R120.00

Kemp Roux slaags met terroriste in die wrede Operasionele Gebied van Suidwes – dit is die tema van Grenswag.

Dit is die verhaal van ‘n plaasseun en sy liefde vir perde. Dit vertel hoe die seun ‘n man en die man ‘n soIdaat word. En die sodaat ‘n held in die stryd waar gestelde plofgoed, lokvalle of ‘n hinderlaag ‘n soldaat se einde kan beteken.

Hier is ‘n moderne baasverhaal deur ‘n baasskrywer van jeugverhale oor ‘n wêreld waarmee elke Suid-Afrikaanse seun deesdae te doen kry.

Grenswag neem die leser saam na waar die hele falanks terroriste in die skemer oor die rivier aankom; saam in agter die R1 se witgeplakte korrel waar elke skaduwee ‘n invaller en elke stewelspoor die dood kan beteken.

Dit is die verhaal van Kemp Roux se avonture. Sy eensaamheid, liefde vir perde, romanses – en op ‘n ander vlak, kameraadskap gebore in die dae toe die wilde wit merrie so onverwags verskyn het…

Out of stock

SKU: JEUG.NAU.001/5/20 Category:

Description

CUM Boeke

Eerste uitgawe, eerste druk 1981

Hardeband met mooiste stofomslag boek in puik toestand – een bladsy p3 het rimpels soos water wat op blad geval het, boek verder nuut

Stofomslag: Mauritz Hatting

Boek is skaars

Oor die skrywer van die agterflapteks: H.J. Vermaas het begin skryf “as ‘n uitlaatklep vir die heimwee en verlange na die plaaslewe en berge van my jeug”. Dit was 33 jaar gelede in Johannesburg. Sedertdien het hy hom onderskei as ‘n kolos onder Afrikaanse jeugboekskrywers, in so mate dat sy werk bekroon, vertaal en ook in ander bundels opgeneem is.

Grenswag was sy 14de boek, voorafgegaan deur Grenkte trots, Sy perd staan gereed, Die reus van Doringberg, Die ysterklip, Die nors leeu, Die swartwitpens, Die perdedief, Present, Drietoon van die Vrystaat, Vallei van die skedels, Oë oor die einders, Die groot steilte, en Sonskyn en intrekreën. Die swartwitpens is onder die titel Schwarze antilope en Present as Verschworene Gefahrten in Duits uitgegee.

Die Scheepersprys vir Jeuglektuur is in 1966 deur SA Akademie vir Wetenskap en Kuns aan hom toegeken.