Deel in die rykdom van ons land se “annerster” streek. Namakwaland is soos ‘n geslypte diamant. Dit het baie fasette wat ‘n mense eers regtig raaksien as jy dit van nader bekyk. En wie beter om dit teen die lig te hou as iemand wat self 80 jaar lank deur hierdie besondere streek geslyp is?

In Eenkantland, ‘n keur uit die werk van Theunis Uys, maak die leser kennis met al die fasette van Namakwaland se rykdom: die veld, die diere, die streeksgeskiedenis, diamantsmokkelary, boerdery, gunstelinggeregte, rygoed, gebruiksartikel, snaakse gebeure en streekseie verskynsels, maar bowenal met sy mense – Sandvelders, Binnevelders en Boesmanlanders…

“Theunis Uys laat ‘n mens dinge sien wat jy nog nie gesien het nie of nog altyd misgekyk het.” – Dana Snyman –

Inhoudsopgawe:

Eenkantland
Hiert jou skrikmaker!
Die messelpad
‘n Manmoedige poging
Die Soebats’teiners
September-Nagmaal 1925
Koppestamp
Pa Faan se “mouters”
Die blikbeker
In die kookskerm
Brief aan George Weideman
Ou grootman
Die Jodemense van Namakwaland
Die kwaai sersant
Die lappieskombers
Die moedswillige skerpjoen
Die naairiempie
Kindwees in die Depressie
Boudjies se onderonsie met kees
Namakwaland se eie treintjie
Die dodelike laagvat
Daar’s ‘n tier op jou plaas!
Gert Fortuin
Jakkalsjag
Die manne op die lyn
Lastige vergissing
Hans en Rooinek
Die Boesmanland-derby
Diamantdinge
Die besetene in die ambulans
Nog een keer weer
Nabetragting